راجع من الغربه وعايز اعمل مشروع في مصر

أخر سنتين شهدت رجوع  كثير من المصريين من الخليج وكلهم أو معظمهم بيرجع يستثمر فلوسه وبيعمل بيزنس وعايز أقول مجموعة نصايح مع التركيز علي النصيحه رقم (10

مصردلؤقتي مش زي مصر اللي سيبتها حتي لو مسافر من 5 سنين فأكيد السوق إتغير

مصر اللي انت راجع تشتغل فيها مختلفه تماما عن مصر اللي بتنزلها أجازة كل سنه …الاتنين مختلفين تماما

المصريين اللي انت بتقابلهم في الأجازة كل سنه مختلفين تماما عن نفس المصريين اللي انت هاتنزل تشتغل معاهم …

فلوسك اللي انت شقيت وتعبت فيها مش هاتتكرر بسهوله …ففكر كويس قبل ماتاخد أي قرار فيه فلوس .

فلوسك مهما كنت معتقد إنها كتير فهي مش كتير فخد بالك وبلاش تغامر وتفتح صدرك .

السوق المصري مختلف تماما عن السوق الخليجي حتي في نفس الصناعة سواء في نوعية المستهلك أو حجم وشكل المنافسه .

السوق المصري فيه فرص كتير بس معظمها غير مناسب ليك فخد بالك .

علاقاتك السابقه تقريبا انتهت والناس اللي كنت تعرفهم في البيزنس اتحركوا بشكل كبير فبلاش تعتمد علي شبكة العلاقات القديمة وإبدأ في تكوين شبكة علاقات جديدة .

السوق المصري ممكن يظهر إنه سوق بسيط والناس اللي فيه هواه لكن بالتجربة هاتكتشف العكس تماما …السوق المصري سوق معقد وبيحتوي علي كل الطبقات والناس اللي شغاله إتعلمت وعندها خبرة لم تحصل عليها بسهوله فبلاش تعمل ناصح …..

11.   -أهم نصيحه …مش فرض عليك أول ما تنزل مصر تعمل مشروع لأنه غالبا هايفشل نظرا لفقدانك حساسية السوق المصري إيه رأيك تشتغل لمدة سنتين جوا السوق ولما تلاقي فرصه واضحه وصريحه ومناسبة لامكانياتك المالية والشخصية وقتها ممكن تبدأ في مشروعك الخاص …أنا عارف إنك اتغربت كتير علشان لما ترجع مصر تعمل مشروعك الخاص بس علشان خاطري حتي لو بقالك 20 سنه في الغربه خليهم 22 سنه واشتغل سنتين …السنتين دول هايسهلوا عليك 20 سنه هاتشتغلهم في مصر وممكن يكونوا سبب نجاحك وممكن يكونوا سبب إن فلوس الغربة اللي تعبت فيها ما تضيعش ….  🙂

وفي النهاية ما تستعجلش وربنا يوفقك ويبارك ليك في مالك ونورت مصر   وكل سنه وانتم طيبين و بخير وأمان وسعاده يارب  🙂

1 thought on “راجع من الغربه وعايز اعمل مشروع في مصر”

Leave a Comment

لن يتم نشر عنوان بريدك الإلكتروني. الحقول الإلزامية مشار إليها بـ *

record your voice
Time: 00:00
Level:
Status: